பேஸ்புக்கும் பெண்களும் -(பாகம்-5)

பேஸ்புக்கால் தற்கொலை செய்து கொண்ட பெண் !!!

( இது ஓர் உண்மை சம்பவத்தை அடிப்படையாக கொண்ட கதை...)

அனு மற்றும் ரமேஷ், இவர்கள் இருவரும் கணவன் மனைவியாக கை கோர்த்து  ஒரு மாதமும்  10 நாட்களும் மட்டுமே கழிந்திருந்தது .,இருவருமே படித்தவர்கள், நவயுக ஆண் பெண் பெரும்பான்மையானவர்கள் அனைவருக்கும் இருக்கும் அந்த ஆன்லைன் அக்கவுன்ட் அவர்கள் இருவருக்குமே இருந்தது. ,கணவன் ரமேஷ் ஸ்ரீபெரும்புதூரில் உள்ள ஒரு தனியார்  நிறுவனத்தில் இஞ்சினியர், இவள்  திருமணத்திற்கு முன்பு ஈ.சி.ஆர் ரோட்டில் உள்ள தனியார் கம்பேனியில் சூப்பர்வைசராக பணி செய்தவள், திருமணத்திற்கு பிறகு வேலைக்கு செல்வதை நிறுத்திக்கொண்டாள் !!

அந்த சம்பவம் நடக்கும் வரையில் அவர்களது வாழ்க்கை சுமூகமாகத்தான் சென்று கொண்டிருந்தது
ஆணாதிக்கம் என்கிற விசயத்தின் நாகரிக வடிவமாக சில ஆண்கள் தங்கள் மனைவியின் ஆன்லைன் அக்கவுன்ட் அத்தனைக்குமான பாஸ்வேர்டை வாங்கி வைத்துக்கொள்ளும் நடைமுறை தற்காலத்தில் வழக்கத்தில் உள்ளது,ரமேஷ் தன் மனைவியின் பேஸ்புக் பாஸ்வேர்ட் மற்றும் மெயில் பாஸ்வேர்ட் போன்றவைகளை அறிந்து வைத்திருந்தான்,அவ்வப்போது அவள் ஆன்லைன் கணக்குகளில் நுழைந்து அவளை நோட்டம் விட்டுக் கொண்டிருந்தான் !
அனுவின் பேஸ்புக் அக்கவுன்டிற்குள் நுழைந்து அவளது டைம்லைனை பார்வையால் மேய்ந்து கொண்டிருந்தான் ரமேஷ்

வளரா மனம் கொண்ட வளர்ந்த ஆண்கள் பட்டியலில் ரமேஷ் பெயரும் இருந்திருக்க வேண்டும் ,அன்று அவன் அனுவின் பேஸ்புக் டைம்லைனில் அந்த புகைப்படத்தை பார்த்தபோது  அவன் கண்களில் அப்படி ஒரு குரூரம், மனம் முழுக்க கோப நெருப்பு, சந்தேக ராட்சசனிடம் சரண் புகுந்தான் ரமேஷ்.

அந்த புகைப்படத்தில் அனு ஒரு ஆண் நன்பருடன் இணைந்து சிரித்துக்கொண்டிருந்தாள்...

ரமேஷ் உள்ளுக்குள் எரிந்து கொண்டிருந்தான் .

வீடு திரும்பிய ரமேஷ் அனுவிடம் அந்த புகைப்படத்தை காட்டி விசாரிக்கிறான் !!

ரமேஷ்: யாருடி இவன் ??

அனு     : இவரு எங்க ஆபீஸ்ல என் கூட வேலை பாத்தவர்

ர: ஆபீஸ்ல வேல பாத்தவரா? என்னடி அவரு

அ: இல்லைங்க அவரு எங்க  ஹெட் சூபர்வைசர்

ர: கூட வேலை பாக்குறவன் னா கூட போயி ஒரசிட்டு நிப்பியா

அ: இல்லைங்க எங்க ஆபிஸ்ல பங்க்சன்-அப்ப எடுத்த போட்டோ அதான் எல்லாரும் சேர்ந்து நின்னு போட்டோ எடுத்துக்கிட்டோம் !

ர:எல்லோரும் சேர்ந்து நின்னு எடுத்தீங்க சரி, அதென்ன இவன் கூட மட்டும் தனியா சேர்ந்து ....ம்ம்ம்ம் சொல்டி

அ: அவர் என் ஃப்ரன்ட் ங்க !! அதான் 

ர: ஃப்ரண்ட் னா... *****

அ:  இத பாருங்க இப்டி எல்லாம் பேசாதீங்க..

ர: அப்டி தான்டி பேசுவேன் **** ****

அ:  ...(அழத் துவங்குகிறாள் அனு)

இந்த விவாதத்திற்கு பிறகு ரமேஷ் அனுவின் அம்மா மற்றும் அப்பாவிற்கு போன் செய்து அவர்கள் மகள் பற்றி தவறாக கூறி வைக்கிறான்.

ஆவடி அருகிலுள்ள அனுவின் தாத்தா வீட்டில் சமரச பேச்சுவார்த்தை என்கிற பெயரில் சண்டையை துவங்கி வைக்கிறான் ரமேஷ் !! அனு அழுவதை தவிர எதுவும் செய்ய முடியாமல் அழுதுகொண்டே இருக்கிறாள்.

யார் சொல்லும் சமாதானத்தையும் கேட்க தயாராய் இல்லாத ரமேஷ் அனுவை திட்டியபடியே இருக்கிறான். "இனிமே இவ கூட ஒரு நிமிசம் கூட என்னால வாழ முடியாது..."

எல்லோரும் சேர்ந்து சமாதானம் பேசி அனுவை அவனுடன் அனுப்பி வைக்கிறார்கள்..

அன்று இரவு...

அவள் மனம் முழுக்க ஆயிரமாயிரம் கேள்விகள், ஒரு பெண்ணுக்கு ஆண் நன்பர்கள் இருப்பது தவறா?, அலுவலகத்தில் கூட வேலை செய்யும் ஒருவருடன் சேர்ந்து படம் எடுத்துக்கொள்வது தவறா?...
அழுகைக்குள் தன்னை அழுத்திக்கொண்டு  கண்ணீரை கன்னத்தில் வழித்துக்கொண்டு சுவரில் சாய்ந்து அமர்ந்திருக்கிறாள் அனு..

அடுத்தநாள் காலையில் நீயூஸ் பேப்பரில் இப்படி ஒரு செய்தி வெளியாகி இருந்தது!!

இது போன்ற பிரச்சினைகளில் இருந்து தற்காத்துக்கொள்வது எப்படி... அடுத்தப்பதிவில் சொல்கிறேன்...

.முந்தைய பதிவுகளை வாசிக்க தலைப்பை க்ளிக் செய்யுங்கள்                                                           

1. பாகம்-1 பாதுகாப்பு அடிப்படைகள்

2.பாகம்-2  Sharing செய்யும் போது கவனிக்க வேண்டியவை

3.பாகம்-3  பேஸ்புக்கில் உங்கள் படங்கள் திருடப்படுகினறன

4.பாகம்-4  நன்பர்கள் ஜாக்கிரதை

வாசகர்களின் கேள்விகள், சந்தேகங்கள்,கருத்துக்கள்,தகவல்கள் வரவேற்க படுகின்றன ., vijayandurairaj30@gmail.com என்ற முகவரிக்கு மெயிலாகவோ, அல்லது கமென்ட் பெட்டியிலோ கேளுங்கள்

பேஸ்புக்கும் பெண்களும் (பாகம்-4)

நன்பர்கள் ஜாக்கிரதை

இந்த பதிவில் ஒரு முக்கியமான விசயம் பற்றிப் பார்க்கலாம் , இது உங்கள் நன்பர்களை (Facebook Friends) பற்றியது

 பேஸ்புக் பயன்படுத்தும் நபர்கள் எல்லோரும் பேஸ்புக்கை ஒரே மாதிரியாக பயன்படுத்துவது கிடையாது, ஒவ்வொருவரின் உளவியல் சார்ந்து அது மாறுபடுகிறது, சில நபர்கள் பேஸ்புக்கை நட்பிற்காகவும், சிலர் வர்த்தக விசயங்களுக்காகவும், சிலர் பிரபலமாவதற்காகவும் சிலர் கவிதை,கட்டுரை,ஓவியம்,தனித்திறமை போன்றவற்றை வெளிக்காட்டவும்.., 

இப்படியாக பட்டியல் நீண்டு கொண்டு போகிறது

அட இதெல்லாம் நமக்கு தெரிஞ்ச விசயம் தானே, என்று நீங்கள் நினைக்கலாம்.

ஒவ்வொருவரின் மனதினை பொறுத்து psychological லாக பேஸ்புக் பயன்பாடு இருக்கிறது, திருடர்கள்,அயோக்கியர்கள், கீழ்த்தர எண்ணக்கார்ர்கள் என நிஜ உலகில் நடமாடும் மனிதர்ள் பலர் தங்களின் டிஜிட்டல் அவதாரங்களை பேஸ்புக்கில் எடுத்துக்கொண்டு உலா வருகிறார்கள்

இவர்கள் அடுத்தவர்களை வேவு பார்ப்பது, தெரியாத பெண்களின் பேஸ்புக் புரோபைல்களை நோட்டம் விடுவது, உங்கள் டைம்லைனில் அல்லது பேஸ்புக் Wall- ல் கண்ட கண்ட விசயங்களை டேக் (tag) செய்வது,உங்கள் நன்பர்கள் பட்டியலை மோப்பம் பிடிப்பது, உங்கள் Friend list-ல் உள்ள பெண்களுக்கு நட்பு அழைப்பு விடுப்பது என்று டிஜிட்டல் உலக அயோக்கியத்தனங்கள் மூலம் உங்களுக்கு தொந்தரவுகள் தரக்கூடலாம். இவர்களிடமிருந்து தற்காப்பாக இருப்பதற்கான நடவடிக்கைகள் பற்றியும் இவர்கள் தரும் தொந்தரவுகள் பற்றியும் ஒவொன்றாக பார்க்கலாம்.

#  பேஸ்புக் மோசடிகள் :  (டேமேஜர்கள் )

உங்களுக்குத் தெரியுமா? உங்கள் புரோபைலில் நீங்கள் பகிரும் உங்களது  புகைப்படத்தைத்  திருடி ,அதே பெயரில் (சில மாற்றங்கள் செய்து) இன்னுமொரு பேஸ்புக் புரோபைலை ஓபன் செய்து, உங்கள் நன்பர்கள் பட்டியலில் உள்ள நன்பர்களுக்கு அழைப்பு விடுக்கிறார்கள் இவர்கள்,உங்கள் நன்பர்களும் நீங்கள் தான் என்று நம்பி Friend Request ஐ ஏற்றுக்கொள்வார்கள் பின் உங்கள் பெயருக்கு கலங்கம் ஏற்படுத்தும் வகையில் தகவல்களை பரிமாறி  உங்கள் நன்பர்களிடமும், பிற நபர்களிடமும் உங்கள் பெயரை டேமேஜ் செய்கிறார்கள்

உங்கள் நன்பர்களை மறைப்பது எப்படி??

பேஸ்புக்கில் உங்களுக்கு இருக்கும் நன்பர்கள் பட்டியலை நோட்டம் விட்டு, உங்கள் பெண் நன்பர்களுக்கு நட்பு அழைப்போ, தொந்தரவோ தர சில நபர்கள் இருக்கிறார்கள்,உங்கள் நேசமானவர்களை இந்த நாசமா போனவர்களிடமிருந்து காக்க நீங்கள் உங்கள் Friend list ஐ உங்களுக்கு மட்டும் தெரியும் வகையில் மறைத்து வைக்க வேண்டும்.

படி 1 : உங்கள் டைலைனிற்குள் சென்று கொள்ளுங்கள் (டைம்லைனிற்கு செல்ல உங்கள் பெயரினை க்ளிக் செய்க

படி2 : Friends என்பதை க்ளிக் செய்க ( நீங்கள் இப்போது உங்கள் நன்பர்கள் பட்டியலுக்கு இழுத்து செல்லப்படுவீர்கள்)

படி 3 : இங்கு வலது புறம் (Right side) Find friends ஆப்சன் அருகே உள்ள பென்சில் பட்த்தை க்ளிக்கவும்

படி 4 :இரண்டு ஆப்சன் கள் கொடுக்கப்படும் அதில் edit privacy என்பதை க்ளிக் செய்யவும்

படி 5: கீழே உள்ள மாதிரி ஒரு பெட்டி ஓபன் ஆகும். இங்கு நீங்கள் உங்கள் நன்பர்கள், நீங்கள் Follow செய்யும் நபர்கள், உங்களை Follow செய்யும் நபர்கள் போன்ற முத்தரப்பு நபர்களை உங்கள் தேவைக்கேற்ப மறைத்து வைக்கும் ஆப்சன் கள் உள்ளன , அதில் Only me செலக்ட் செய்து கொள்வதன் மூலம் முத்தரப்பு மக்களை அனைவரிடமிருந்தும் மறைத்து வைக்க முடியும்.

 

எச்சரிக்கைகள்  தொடரும்......

வாசகர்களின் கேள்விகள், சந்தேகங்கள்,கருத்துக்கள்,தகவல்கள் வரவேற்க படுகின்றன ., vijayandurairaj30@gmail.com என்ற முகவரிக்கு மெயிலாகவோ, அல்லது கமென்ட் பெட்டியிலோ கேளுங்கள்                                                            

பேஸ்புக்கும் பெண்களும் (பாகம்-3)

பெண்களே எச்சரிக்கை :

பேஸ்புக்கில் உங்கள் புகைப்படங்கள் திருடப்படுகின்றன ...

                                      

கடந்த இரண்டு பதிவுகளில் பேஸ்புக் பாதுகாப்பு பற்றிய அடிப்படை விசயங்கள் பற்றியும், பகிர்வுகள்மற்றும் படங்களை பகிரும் போது கவனிக்க வேண்டிய நடவடிக்கைகள் பற்றியும் கூறியிருந்தேன்.

பேஸ்புக்கினால் பெண்களுக்கு அப்படி என்ன பெரிய பாதிப்புகள் வந்துவிடப்போகின்றன என்று சிலர் நினைக்கலாம், அட ஆமாங்க பேஸ்புக்குடன் இலவச இணைப்பாக பல பல இம்சைகள் கிடைப்பது பலரின் பார்வையில் படுவதே இல்லை.

 இந்த வாரம் முதல் பேஸ்புக் பாதுகாப்பு நடவடிக்கைகள் மட்டுமல்லாமல் பேஸ்புக்கால் பெண்களுக்கு ஏற்படும் பிரச்சினைகளையும் இந்த தொடரில் பதிய இருக்கிறேன்.. (தவறிருப்பின் என்னை மன்னித்துக்கொள்ளுங்கள் கொஞ்சம் வெளிப்படையாகவே விசயங்களை பகிர இருக்கிறேன்)

உங்கள் புகைப்படங்கள் திருடப்படுகின்றன:

நீங்கள் உங்கள் பதிவுகளை அல்லது புகைப்படங்களை   Public ஆப்சனில் பகிரும்போது (Share)  (sharing tips பற்றி அறிய கிளிக்கவும்). அதை இணைய உலகில் உலா வரும் எவர் வேண்டுமானாலும் பார்வையிட முடியும் என்று முன்பே பார்த்தோம்.

நீங்கள் உங்கள் தனிப்பட்ட (Personal) புகைப்படங்களை அல்லது உங்கள் அழகான புகைப்படங்களை பேஸ்புக்கில் பப்ளிக்காக பதிவு செய்பவர் என்றால் பேஸ்புக் புகைப்பட திருடர்களின் பொறிகளில் மாட்டிக்கொள்ள தகுதியான எலியாக நீங்கள் தயாராக இருக்கிறீர்கள் என்று அர்த்தம்...

பேஸ்புக்கில் பெண்களின் புரோபைல்களில் புகைப்பட வேட்டை நிகழ்த்தி  புகைப்படங்களை திருடி தங்களின் இணைய பக்கங்களில் வைத்துக்கொள்வதற்கென்றே ஒரு கும்பல் இருக்கிறது . ,"எங்களின் புகைப்படங்கள் அவர்களுக்கு எதற்கு ?" என்று வெள்ளந்தியாக கேள்வி கேட்கும் பெண்கள், தயவு செய்து கீழுள்ள பேஸ்புக் பக்கங்களின் லின்க் களை க்ளிக் செய்து பார்த்துக்கொள்ளுங்கள்.

இந்தியன் கேர்ல்ஸ்

க்யூட் கேர்ல்ஸ்

இந்த லிங்கை மறக்காம பாருங்க !

இது மாதிரியான பக்கங்கள் இணைய உலகில் இன்னும் நிறைய இருக்குங்க... அவை எல்லாவற்றின் முகவரிகளை கொடுத்துக்கொண்டிருந்தால் பதிவின் பயணம் வேறு பாதையில் பயணிக்கக்கூடும்.

இது போன்ற இணைய பக்கங்களில் மாடல்கள், நடிகைகள் புகைப்படங்கள் மட்டுமின்றி ,யாதொன்றும் அறியாமல், உலகின் ஏதோ ஒரு மூலையில் பேஸ்புக்கில் தனது  புன்னகையை புகைப்படமாக பதிவு செய்யும் பெண்களின் புகைப்படமும் பதிவேற்றப்படுகின்றன.

இது கூட பரவாயில்லை சில ஆபாச இணையத்தளங்களில் இருந்தும் இது போன்ற பேஸ்புக் ப்ரொபைல்களில் உள்ள ப்ப்ளிக்காக பதியப்படும் படங்களில் இருந்து புகைப்பட வேட்டை நடத்தப்படுகிறது.

அதுமட்டுமின்றி அபலைகளின் படங்கள்  ஆபாச படமாக மார்ப்பிங்க் செய்யப்படும் சாத்தியக்கூறும் இருக்கிறது.

நீங்கள் பேஸ்புக்கில் பகிர்ந்த புகைப்படம் வேறு எங்கேனும் திருடப்பட்ட்தை எப்படி தெரிந்து கொள்வது;

அந்த வித்தையை உங்களுக்கும் சொல்லித்தருகிறேன்.அதற்கு முன் ஒரு குட்டி பெட்டி செய்தி:

அட அவங்களுக்கே அப்படியா?:

பேஸ்புக்கின் ஓனரான "மார்க் ஜகர்பெர்க்" -ன் அக்கா "ரான்டி ஜகர்பெர்க்" கடந்த வருட(2012) கிறிஸ்துமஸ் கொண்டாட்ட்த்தின் போது தன் குடும்பத்துடன் எடுக்கப்பட்ட ஒரு புகைப்படத்தை தனது பேஸ்புக் டைம்லைனில் தன் நன்பர்களுடன் பகிர்ந்து கொள்வதாக நினைத்து (பப்ளிக்.. பப்ளிக்...) பகிர்ந்துள்ளார் ,

இவங்க தான் பேஸ்புக் ஒனர் : அக்கா

அந்த புகைப்படம் Vox Media வை சார்ந்த Callie Schweitzer  என்ற பத்திரிக்கை நிருபரின் பேஸ்புக் பக்கத்தில் பளிச்சிட அவர் அதை ப்ப்ளிக்காக பதியப்பட்ட படம் தானே என்று நம்பி தனது டிவிட்டரில் ஷேர் செய்துள்ளார். இதன் பிறகு ரான்டி அக்கா நீங்கள் செய்தது தவறு என கேளியிடம் கூறி, எனது Personal புகைப்படத்தை நீங்கள் ஷேர் செய்த்து தவறு என குதித்துள்ளார், இதன்பிறகு அந்த நபர் தான் செய்த அந்த ஷேர் காரிய்யத்திற்கு மன்னிப்பு கேட்டு தான் ஷேர் செய்த படத்தை டெலீட் செய்துள்ளார்.

புகைப்படத்தை டீவீட்டிய நிருபர்

இந்த பிரச்சினைக்கு பின்பு பேஸ்புக்கின் செக்யூரிட்டி செட்டிங்க் சரியில்லை,அதில் நிறைய மேம்பாடுகள் செய்யப்பட வேண்டும் என்று பேஸ்புக் ஓனரின் அக்காவே சொல்லி இருக்கிறார்.

இந்த பிரச்சினைக்கு பிறகு நம்ம அக்கா தனது டிவீட்டரில் கீழ் காணும் டிவீட்டை தட்டியிருந்தார்:

"I'm just sensitive to private photos becoming 'news,'" 

Digital etiquette: always ask permission before posting a friend's photo publicly. It's not about privacy settings, it's about human decency

— Randi Zuckerberg (@randizuckerberg) December 26, 2012

மொழியாக்கம்: எனது சொந்த புகைப்படங்கள் செய்திகளில் வருவது எனக்கு சுத்தமாக பிடிக்கவில்லை , உங்கள் நன்பர்களின் புகைப்படங்களை ப்ப்ளிக்காக பகிர்வதற்கு முன் அவர்களிடம் அனுமதி வாங்குங்கள், அதுதான் அறம்

இந்த பிரச்சினை பேஸ்புக்கில் உள்ள பிரைவசி செட்டிங்க்  பற்றியதல்ல மனித உறவுகளின் மாண்பை பற்றியது

பேஸ்புக் ஓனரின் அக்கா சொல்றதும் சரிதாங்க,

சரி நம்ம விசயத்துக்கு வருவோம்.

நீங்கள் பேஸ்புக்கில் பகிர்ந்த புகைப்படம் வேறு எங்கேனும் திருடப்பட்ட்தை எப்படி தெரிந்து கொள்வது; கூகுள் வழங்கும் இமேஜ் சேர்ச் மூலம் இதனை எளிதாக செய்யலாம்:

கூகுள் இமேஜ் சேர்ச்:

முகவரி:

இங்கு நீங்கள் புகைப்படத்தை கொடுத்து அது இணையத்தில் வேறு ஏதேனும் பக்கங்களில் திருடப்பட்டுள்ளதா என்று தெரிந்து கொள்ள முடியும்.

கூகுள் இமேஜ் சர்ச் போலவே செயல்படும் இன்னொரு தளம் : Tineye.

நீங்கள் க்ரோம் பிரவுசர்( Google chrome)பயன்படுத்துபவர் எனில் இந்த தேடலை எளிதாக செய்ய அருமையான எக்ஸ்டன்சன் (க்ரோம் இணைப்பு)  ஒன்றை கூகுள் தருகிறது

1. இந்த முகவரில் சென்று  அதை டவுன்லோடு செய்து இன்ஸ்டால் செய்து கொள்ளுங்கள்.

2. பின் உங்கள் கூகுள் கிரோமினை க்ளோஸ் செய்து மறுபடி திறக்கவும் (Restart)

3.அதன் பின் கிரோம் செட்டிங்க்ஸ் சென்று  கொள்ளவும்

4.extensions என்பதை க்ளிக் செய்து   படத்தில் காணும் இடத்தில் டிக் செய்யவும்.

5. புதிய தேடல் கருவி உங்கள்  க்ரோமில் இணைந்து விட்டது.

நீங்கள் தேட நினைக்கும் புகைப்படங்களின் மீது ரைட் க்ளிக் செய்தால் இனி இந்த ஆப்சன் வரும். 

க்ளிக் செய்தால் கூகுள் இமேஜ் சேர்ச் மூலம் அந்த புகைப்படம் தேடப்படும்.

உங்கள் புகைப்படம் திருடப்பட்டிருந்தால் என்ன செய்வது?

இணைய உலகில் உங்களது சொந்த தகவல்கள் அல்லது புகைப்படத்தை வேறு தளத்தில் உங்கள் அனுமதியின்றி பயன்படுத்துவது சைபர் க்ரைம் வகையறாவில்  வருகிறது, இதனை Identity theft என்று ஆங்கிலத்தில் சொல்கிறார்கள்.

இவ்வாறு உங்கள் தகவல்கள் இணைய பக்கங்களில் வேறு எங்கேனும் காண நேரிட்டால் .

இந்த முகவரிக்கு சென்று புகார் அளிக்க முடியும். (குறிப்பிட்ட முகவரிக்கு செல்ல லிங்கை கிளிக் செய்யவும்)

அனைவருக்கும் தெரியும் வகையில் புகார் அளிக்க : (உங்கள் புகார் அனைவருக்கும் தெரியும் Public).

தெரியாதபடி புகாரளிக்க

இந்த முகவரியிலும் சென்று புகார் செய்யலாம் (Cyber Crime India. org)

நம் இந்தியாவில் உள்ள சைபர் க்ரைம் புகார் மையங்களின் முகவரிகள்

அனைவருக்கும் தெரியும் வகையில் அளிக்கப்பட்ட புகார் ஒன்றின்  மாதிரி:

http://cybercrimecomplaints.com/content/uploading-andmisusing-pic-my-family-wi

1. பாகம்-1 பாதுகாப்பு அடிப்படைகள்

2.பாகம்-2  Sharing செய்யும் போது கவனிக்க வேண்டியவை

வாசகர்களின் கருத்துக்கள், விமர்சனங்கள், விவாதங்கள், சந்தேகங்கள் வரவேற்கப்படுகின்றன., கமென்டிலோ, மெயிலிலோ மறக்காமல் கூறலாம் :

vijayandurairaj30@gmail.com

facebook paathukaappu,facebook safety in tamil, facebook and girls, photo sharing tips for facebook, facebookkum penkalum,vijayan durai, பேஸ்புக்,பேஸ்புக்கும் பெண்களும்,பேஸ்புக் பாதுகாப்பு,பேஸ்புக்கில் பாதுகாப்பாக இருப்பது எப்படி, பெண்கள் பேஸ்புக்கில் படங்களை பகிரும் முன் கவனிக்க வேண்டியவை,விஜயன் துரை, பேஸ்புக் சேப்டி டிப்ஸ் தமிழில், தமிழில் பேஸ்புக், பேஸ்புக் புகைப்பட பகிர்வு  டிப்ஸ், பெண்கள் பாதுகாப்பு,கடற்கரை,கடற்கரை,கடற்கரை,கடற்கரை, விஜயன் துரை

பேஸ்புக்கும் பெண்களும் பாகம்-2

(பேஸ்புக்கில் உள்ள சேரிங்க் ஆப்சன் கள் ஒரு பார்வை)

பேஸ்புக் பாதுகாப்பு அடிப்படைகள் பற்றி அறிய இங்கு க்ளிக்கவும்

பேஸ்புக்கில் பதிவுகளை பதியும்போது கவனிக்கவேண்டிய எச்சரிக்கை நடவடிக்கைகள் பற்றி இந்த பதிவில் பார்க்கலாம்:

பேஸ்புக்கில் ஸ்டேட்டஸ் ,படங்கள், லிங்குகள் என... (உங்கள் மனதில் இருக்கும் விசயத்தை) பகிரும் போது ,அந்த விசயம் யார் யாருக்கு தெரியவேண்டும், யார் யாருக்கு தெரியக்கூடாது என்று நீங்கள் தேர்ந்தெடுக்கும் உரிமையை பேஸ்புக் தருகிறது.

Public:

 Public என்கிற ஆப்சனை நீங்கள் தேர்ந்தெடுத்து உங்கள் Post ஐ பகிரும் போது இணைய உலகில் உலா வரும் யார் வேண்டுமானாலும், (அவர் உங்களுக்கு தெரியாத நபராக கூட இருக்கலாம்).அந்த ஸ்டேட்டஸையோ ,பட்த்தையோ பார்க்க முடியும்.

Friends:

இந்த ஆப்சனை செலக்ட் செய்துவிட்டு post செய்யும் போது நீங்கள் பகிர்ந்த அந்த தகவலை உங்கள் Friend list -ல் உள்ள் நன்பர்கள் மட்டும் பார்க்க முடியும்.

Only me:

இந்த ஆப்சனுடன் பகிரப்படும் விசயங்கள் உங்கள் டைம்லைனில் இருக்கும் ஆனால் உங்களுக்கு மட்டும் தெரியும் ,வேறு யாரும் இந்த விசயங்களை பார்க்க முடியாது. இதனால் என்ன பயன் என்று யோசிக்கிறீர்களா, பேஸ்புக்கில் நீங்கள் படித்த ,பிடித்த ,பயனுள்ள, ரசித்த விசயங்களை சேகரித்து வைக்க முடியும், பிற்பாடு எப்பொழுது வேண்டுமானாலும் பார்த்து கொள்ளலாம்.

உங்களோடு மட்டும் (Only me) பகிரப்பட்ட பதிவுகள் மேற்கண்டவாறு இருகோட்டுக்குள் இருக்கும், இந்த கோட்டை தாண்டி இது யாருக்கும் தெரியாது :)

Custom:

இந்த ஆப்சனை நீங்கள் செலக்ட் செய்யும் போது, இன்னும் சில ஆப்சன் கள் உங்களுக்கு கிடைக்கிறது.

Friends of friends செலக்ட் செய்யும் போது ,உங்கள் பதிவு, உங்கள் Friendlist - ல் உள்ள நன்பர்களுக்கும், அவர்களின் நன்பர்களுக்கும் சேர்த்து பகிரப்படும்.இதில் யார் யாருக்கு நீங்கள் பகிரும் பதிவு தெரியக்கூடாது என்கிற ஸ்பெசல் ஆப்சனும் தரப்படுகிறது. நீங்கள் இந்த பட்டியலில் கொடுக்கும் நபர்களுக்கு நீங்கள் பகிரும் தகவல் தெரியாது.

இங்குள்ள Friends ஆப்சனும் இதே சேவையை தருகிறது.அதாவது நீங்கள் உங்கள் Friend list -ல் உள்ள குறிப்பிட்ட நபர்களை தவிர மற்ற நன்பர்களுக்கு நீங்கள் ஷேர் செய்யும் விசயம் தெரியுமாறு பகிர்ந்து கொள்ள முடியும்.

Specific People or List. என்கிற ஆப்சன் மிக முக்கியமானது, இதன் மூலம் நீங்கள் உங்கள் பதிவை குறிப்பிட்ட சில பல நன்பர்களுடனோ, நன்பர்கள் பட்டியலுடனோ பகிர்ந்து கொள்ள முடியும்.

Share this with என்கிற பெட்டியில் கொடுக்கப்படும் நபர்களுக்கு மட்டும் உங்கள் பதிவு பகிரப்படும்.

குறிப்பு:

Custom ஆப்சனை பயன்படுத்த நீங்கள் கீழ்கண்டவாறு செயல்பட வேண்டும்

1.      Custom ஆப்சனை செலக்ட் செய்யவும்

2.      இதன் பின் வரும் Custom Privacy பெட்டியில் உங்களுக்கு தேவையான ஆப்சனை செலக்ட் செய்து கொள்ளவும்

3.      பிறகு "Save Changes" கொடுக்கவும்

4.   அதன்பிறகு Post என்ற பட்டனை க்ளிக் செய்யுங்கள்.

நமது மொபைல் போன் களில் SmS Group கள் அமைப்பது மாதிரி பே
ஸ்புக்கில் நமது நன்பர்களை வகைப்படுத்தி பிரித்து வைத்து, குறிப்பிட்ட நபர்களின் பட்டியலோடு மட்டும் குறிப்பிட்ட விசயத்தை பகிர்ந்து கொள்ள முடியும் , இது பற்றி விளக்கமாக அடுத்த பதிவில் பார்க்கலாம்.

வாசகர்களின் கேள்விகள்,கருத்துக்கள்,விமர்சனங்கள் வரவேற்கப்படுகின்றன.

லேபில்கள் :

பேஸ்புக் டிப்ஸ் தமிழில், பேஸ்புக் செக்யூரிட்டி டிப்ஸ் தமிழில், பேஸ்புக்கும் பெண்களும்,பேஸ்புக் மோசடிகள், பேஸ்புக் எச்சரிக்கை, girls and facebook,facebook safety tips in tamil, tamil moolam facebook tips, facebook security tips in tamil, பேஸ்புக் மூலம் பதிவை பாதுகாப்பாக பகிர்வது எப்படி

பேஸ்புக்கும்... பெண்களும் ... (பாகம்-1)

   

(பெண்கள் ஸ்பெசல் தொடர்)

  

 இந்த தொடர் பேஸ்புக்கில் பெண்களுக்கு ஏற்படும் பிரச்சினைகளையும், பாதுகாப்பாக இருக்க அவர்கள் மேற்கொள்ள வேண்டிய எச்சரிக்கை நடவடிக்கைகள் பற்றியும் , உங்களோடு பேச இருக்கிறது... (அட ஆண்களுக்கு இந்த தொடர் யூஸ் ஆகாதாப்பா என்று கண் சிவக்க கடுப்பாகும் என் இனங்கள் உங்களுக்கு தெரிந்த , தோழிகள் உறவுக்கார பெண்களுக்கு இந்த டிப்ஸ் களை கொடுக்க இதை படித்து வைத்துக்கொள்ளுங்கள். அல்லது நீங்களும் பேஸ்புக்கில் பாதுகாப்பை (Privacy ,Security and Safety) விரும்பினால் இந்த டிப்ஸ்களை பிரயோகிக்கலாம் ) 

பேஸ்புக் பாதுகாப்பானதா?? :

 ஆர்குட், இன்ஸ்டாகிராம்,ட்விட்டர் என்று நிறைய சமூக வலைத்தளங்கள் (Social Networking) இணைய உலகில் இருக்கின்றன ,ஆனால் சமூக வலைத்தளங்களில் நம்பர் ஒன் னாக இருப்பது பேஸ்புக் தான், அதை பயன்படுத்துபவர்களின் எண்ணிக்கை கோடிகளில் இருக்கிறது,அது மட்டுமின்றி அந்த எண்ணிக்கை தினம் தினம் அதிகரித்து கொண்டே இருக்கிறது., இத்தனை பேர் இருக்கிற காரணத்தினாலோ என்னவோ பேஸ்புக் குடன் இலவச இணைப்பாக பிரச்சனைகள் ,ஹேக்கர்கள் தொந்தரவு, வைரஸ் மற்றும் மால்வேர்களும் தாராளமாக கிடைக்கின்றன...

அதெல்லாம் சரி பேஸ்புக் பாதுகாப்பானதா இல்லையா என்று ஒற்றை வரியில் சொல்லப்பா என்கிறீர்களா?? 

பேஸ்புக்கை நீங்கள் பாதுகாப்பாக பயன்படுத்தினால் அது பாதுகாப்பனதே !

பேஸ்புக் பாதுகாப்பு (சில அடிப்படைகள்):

 பேஸ்புக் என்பது சைக்காலஜி மற்றும் டெக்னாலஜி இரண்டின் சேர்க்கையாக இருக்கும் சமாச்சாரம்,இந்த இரண்டு விசயங்களிலுமே சர்ச்சைகள் ஏராளம் உண்டு  , சரியா தவறா என்கிற பைனரி விடைகளுக்குள் இவை பிடிபடுவதில்லை.நல்லதும் கெட்டதும் சரிவிகித்தில் கலந்திருக்கும்.ஆங்கிலத்தில் இந்த மாதிரியான சமாச்சாரங்களை கிரே ஏரியா(Grey Area) என்று சொல்கிறார்கள் .

பயன்படுத்துகிற நபரை பொறுத்து பேஸ்புக் பயன்பாடு நிபந்தனைகளுக்கு உட்பட்டது.

பேஸ்புக்கை பாதுகாப்பாக பயன்படுத்த என்னவெல்லாம் செய்யலாம், பேஸ்புக்கில் உங்களுக்கு என்னென்ன பிரச்சனைகள் வர வாய்ப்புண்டு என்றெல்லாம் வரிசையாக பார்க்கலாம்.

லாக் இன்:

1. உங்கள் பாஸ்வேர்டை யாரும் எளிதில் கண்டுபிடிக்க இயலாதவாறு வைக்கவும் (உங்கள் பெயர், போன் நம்பர், அம்மா பெயர்,அப்பா பெயர், காதலர் பெயர்,நாய்க்குட்டி பெயர்,12345...,ABCD...,ASDF... போன்றவைகளை பாஸ்வேர்டாக வைக்கும் முட்டாள் தனத்தை ஒரு போதும் செய்யாதீர்கள் ).முடிந்தவரை Small letter, Capital letter, Number, Symbol என சகலமும் இணைந்த சாமானியமாக கண்டுபிடிக்க முடியாத பாஸ்வேர்டை கொடுக்கவும்
2. முகப்புத்தகத்தின் முகப்பில் லாகின் ஆகும் போது இருக்கும் திரையில் யூசர் நேம் ,பாஸ்வேர்ட் கொடுக்கும் இட்த்தின் அருகில் இருக்கும் கட்டத்தில் டிக் மார்க் இருந்தால் எடுத்து விடுங்கள்

3. நீங்கள் பயன்படுத்தும் மெயில் சேவை, பேஸ்புக் ,உங்கள் கணினி  போன்றவற்றின் பாஸ்வேர்ட்கள் முடிந்தவரை வேறு வேறாக இருக்கட்டும்.

4. உங்கள் மொபைல் எண்,பெர்சனல் இமெயில் ஐ.டி ,உங்களின் முழு முகவரி போண்றவற்றை பேஸ்புக்கிடம் கொடுக்க வேண்டாம்,பாஸ்வேர்ட் காரணங்களுக்காக மொபைல் எண் மற்றும் மெயில் ஐ.டி கொடுத்திருந்தால் அதை உங்களுக்கு மட்டும் தெரியும் வகையில் செட் செய்து கொள்ளுங்கள்.

5. உங்கள் பெர்சனல் விசயங்களை டைம் லைனில் அல்லது Wall -ல் அனைவருக்கும் தெரியும் வகையில் Public ஆக பகிர்ந்து கொள்ள வேண்டாம்.

6. பிரவுசிங்க் சென்டர்களிலோ, அல்லது புதிய நபர்களின் கணினியிலோ      பேஸ்புக் பார்க்கும்போது Safe browsing ஆப்சனை பயன்படுத்தவும்.

க்ரோம் (Chrome) பிரவுசரில் :  Incognito Window என்று ஒரு ஆப்சன் உள்ளது, இதை பயன்படுத்த சார்ட் கட் கீ: Ctrl + Shift + N .Incognito window- ல் நீங்கள் பிரவுசிங்க் செய்யும்போது உங்கள் பாஸ்வேர்ட் பதியப்படாது..

பயர்பாக்ஸ் பிரவுசரில் (Fire Fox):

Private Browsing ஆப்சனை பயன்படுத்தவும், இதற்கான சார்ட்கட் கீ 

Ctrl +shift + P

Safe Browsing பற்றி விரிவாக பிரிதொரு பதிவில் சொல்கிறேன்.அறிமுக பதிவில் அதிக தகவல்களை திணிக்க வேண்டாம் என்று நினைக்கிறேன்.

7. பேஸ்புக் பயன்படுத்தி முடிந்ததும் மறக்காமல் லாக் அவுட் செய்து விடுங்கள்.(நீங்கள் பேஸ்புக்கை Open செய்து வைத்துவிட்டு வேறு வெப்சைட்களை பார்வை இடும் போது நீங்கள் இன்டர்நெட்-ல் மேற்கொள்ளும் பிற வேலைகளை பேஸ்புக் ட்ரேஸ் செய்யும் என்று சொல்லப்படுகிறது.).

8. நீங்கள் Shared computer களில் (அதாவது ஒரே நெட்வொர்க்கில் இணைக்கப்பட்ட கணினிகள் எ-கா பிரவுசிங்க் சென்டர்). பேஸ்புக் பயன்படுத்தும்போது ஹேக் செய்யப்பட வாய்ப்பு அதிகம் உள்ளது. உங்கள் பிரவுசரில் பேஸ்புக் முகவரியின் முன்புறத்தில் https:// என்று உள்ளதா என சரிபார்த்த பின்னர் பேஸ்புக்கை பயன்படுத்துங்கள்.

9. உங்கள் மெயில்களுக்கு வந்திருக்கும் ,அல்லது பிற வெப்சைட்களில் உள்ள் பேஸ்புக் சம்பந்தமான லின்குகளை (Links) கிளிக் செய்வதற்கு முன்பு அது www.facebook.com என்று "ஸ்பெல்லிங்க்-சுத்தமாக" சரியாக உள்ளதா என சரிபார்த்து க்ளிக் செய்யுங்கள். சில வலை விரித்து காத்திருக்கும் பிஷிங்க் (Pishing) பேர்வழிகள் உங்கள் அக்கவுன்டை ஹேக் செய்யக்கூடும்.

பேஸ்புக்கில் உங்கள் பகிர்வுகளை பதியும்போது கவனிக்கவேண்டிய பாதுகாப்பு நடவடிக்கைகள் பற்றியும் ,இன்னும் சில முக்கியமான எச்சரிக்கை நடவடிக்கைகள் பற்றியும் அடுத்த பதிவில் பார்ப்போம் !!

வாசகர்களின் கேள்விகள், சந்தேகங்கள்,கருத்துக்கள்,தகவல்கள் வரவேற்க படுகின்றன ., vijayandurairaj30@gmail.com என்ற முகவரிக்கு மெயிலாகவோ, அல்லது கமென்ட் பெட்டியிலோ கேளுங்கள்                                                             

லேபில்கள்:
facebook paathukaappu,facebook safety in tamil, facebook and girls, photo sharing tips for facebook, facebookkum penkalum,vijayan durai, பேஸ்புக்,பேஸ்புக்கும் பெண்களும்,பேஸ்புக் பாதுகாப்பு,பேஸ்புக்கில் பாதுகாப்பாக இருப்பது எப்படி, பெண்கள் பேஸ்புக்கில் படங்களை பகிரும் முன் கவனிக்க வேண்டியவை,விஜயன் துரை, பேஸ்புக் சேப்டி டிப்ஸ் தமிழில், தமிழில் பேஸ்புக், பேஸ்புக் புகைப்பட பகிர்வு  டிப்ஸ், பெண்கள் பாதுகாப்பு,கடற்கரை,கடற்கரை,கடற்கரை,கடற்கரை, விஜயன் துரை